დიახ. თანაც ძალიან. ეს არის ღმერთის სიტყვა, წმინდა წერილის წმინდა ტომი, რომლის კითხვა აუცილებელია ბედნიერი ცხოვრებისთვის. ბიბლიასთან ერთად ჩვენ ასევე ვპოულობთ შთაგონებას სხვა წმინდა წერილებიდან, რომლებიც მხოლოდ უკანასკნელ დღეთა წმინდანთა იესო ქრისტეს ეკლესიას გააჩნია. ერთობლივად ისინი მუშაობენ იმაზე, რომ გვასწავლონ მნიშვნელოვანი ჭეშმარიტებანი იესო ქრისტეს შესახებ.

დიახ. იესო არის ჩვენი რწმენის ფუძე. ფაქტობრივად, ჩვენ უპირატესობას ვანიჭებთ იმას, რომ ჩვენს ეკლესიას უწოდონ მისი სრული სახელი - უკანასკნელ დღეთა წმინდანთა იესო ქრისტეს ეკლესია.

მორმონის წიგნი ამბობს: „და ჩვენ ვლაპარაკობთ ქრისტეზე, ჩვენ ვხარობთ ქრისტეში, ჩვენ ვქადაგებთ ქრისტეზე, ჩვენ ვწინასწარმეტყველებთ ქრისტეზე და ჩვენ ვწერთ ჩვენი წინასწარმეტყველებების შესაბამისად, რათა ჩვენმა შვილებმა იცოდნენ, რომელ წყაროს დაეყრდნონ თავიანთი ცოდვების მისატევებლად“. (2 ნეფი 25:26).

საეკლესიო მსახურების დრო განსხვავდება სხვადასხვა მრევლში. თუმცა, ფორმატი ყველგან ერთია - აუცილებელი ძირითადი შეკრება ყველასთვის და შემდეგ ასაკისა და ინტერესების მიხედვით დაყოფილი კლასები. 

ერთობლივ შეკრებას უწოდებენ „ზიარების შეკრებას“. ყოველ კვირას ამ შეკრებაზე მღერიან ჰიმნებს, ლოცულობენ, მრევლის სხვადასხვა წევრები გამოდიან სიტყვით (ქადაგებენ). მაგრამ შეკრების ყველაზე მნიშვნელოვანი ნაწილია ზიარების მიღება მხსნელის მოსაგონებლად.