იესო ქრისტეს კვალზე სიარული

ვინ არის იესო ქრისტე? იესო არის სამყაროს მხსნელი. როცა მის კვალზე დავდივართ, ჩვენ ცხოვრებაში ვიძენთ სიმშვიდესა და ბედნიერებას.

 

ვიდეო: მისი წყალობით —სააღდგომო ვიდეო

2:45

იესო არის ძე ღვთისა

ჩვენმა მამაზეციერმა გამოაგზავნა თავისი ძე, იესო ქრისტე, რათა მას აეღო საკუთარ თავზე ყოველი ადამიანის ცოდვა, რომელსაც ოდესმე უცხოვრია დედამიწაზე, რათა მიტევება მიგვეღო. ეს ჩვენთვის გაღებული მსხვერპლი შესაძლებელი გახდა იესოს ღვთიურობისა და სრულყოფილი ცხოვრების გამო.

იესო იყო ყოველი ადამიანის უდიდესი მოძღვარი და მსახური. მაგრამ იგი გაცილებით ამაზე მეტი იყო. როცა მან ჰკითხა პეტრე მოციქულს: „თქვენ კი რას იტყვით, ვინა ვარ მე“? პეტრემ უპასუხა: „შენა ხარ ქრისტე, ძე ცოცხალი ღვთისა“ (მათე 16:15-16).

იესო იყო ჩვენი სრულყოფილი მაგალითი

იესო ცხოვრობდა სრულყოფილი ცხოვრებით და გვიჩვენა მამაზეციერთან დასაბრუნებელი გზა. მიუხედავად იმისა, რომ იესოს არასოდეს არ შეუცოდია, იგი მაინც მოინათლა, რათა ყოფილიყო ღვთის მორჩილი და ესწავლებინა ჩვენთვის, რომ ნათლობა ყველასათვის აუცილებელი მოთხოვნაა.  

შეიტყვეთ, როგორ შეგიძლიათ, მოინათლოთ
შეხვდით მისიონერებს

იესო ასევე არის სიყვარულის სრულყოფილი მაგალითი. თავისი მიწიერი ცხოვრების დროს იგი ზრუნავდა ღარიბებზე, კურნავდა უსინათლოებს (იხ. იოანე 9:1-7), ესალმებოდა პატარებს (იხ. მათ 19:13-14) და მათაც კი მიუტევა, ვინც იგი ჯვარს აცვა (იხ. ლუკა 23:34). მისი სიყვარული უსასულოა და ნებისმიერს მიუწვდება მასზე ხელი.

ბიბლიური ვიდეოები  

 

იესო მიუტევებს ხეიბარს და განკურნავს მას.

ბიბლიური ვიდეოები

ქალს აქვს იმის რწმენა, რომ განიკურნება იესოს სამოსელის შეხებით. 

ბიბლიური ვიდეოები  

იესო მიუტევებს ქალს, რომელსაც მრუშობაში დასდეს ბრალი. 

ბიბლიური ვიდეოები  

იესო მკვდრეთით აღადგენს იაიროსის ქალიშვილს.

words and things

იესომ გვასწავლა, როგორ ვიცხოვროთ და როგორ მოვეპყროთ სხვებს

სულ 12 წლის ასაკში იესო ტაძარში იპოვეს მოძღვართა შორის; იგი მათ ასწავლიდა (იხ. ლუკა 2:42-52). ისინი გაოცებულნი იყვნენ მისი ცოდნით. იესო დედამიწაზე მცხოვრებთა შორის ყველაზე დიდი მასწავლებელი იყო. იგი ხშირად იყენებდა იგავებს ან მოთხრობებს მნიშვნელოვანი გაკვეთილების სასწავლებლად. ეს იგავები ყოველდღიურ ცხოვრებას უკავშირდებოდა, ადამიანებსა და სიტუაციებს, რათა ისინი ადვილი გასაგები ყოფილიყო. მისი ისტორიები დღემდე გვიჩუყებს გულს და გვაძლევს მოტივაციას, ვიაროთ მის კვალზე და ვემსახუროთ სხვებს.

 

იესოს სწავლებანი

ვენახის მუშაკები

იესომ თქვა, რომ ყველა ერთგული ადამიანი მიიღებს ერთნაირ ჯილდოს ზეცაში, მიუხედავად იმისა, რამდენი ხანი იყო ერთგული თითოეული მათგანი (იხ. მათე 20:1-16). 

უმოწყალო მონა

იესომ გვასწავლა მიტევების მნიშვნელოვანი გაკვეთილი, როცა გვკითხა: „განა არ გმართებდა, შეგეწყალებინა შენი თანამონა, როგორც მე შენ შეგიწყალე“? (იხ. მათე 18:23-35). 

კეთილი სამარიელი

იესომ თქვა, რომ უნდა გვიყვარდეს მოყვასი; იგავი კეთილ სამარიელზე კი გვასწავლის, რომ ჩვენი მოყვასი შეიძლება იყოს ნებისმიერი ადამიანი, უცნობისა და მტრის ჩათვლით (იხ. ლუკა 10:25-37).

უძღები შვილი

ყოველი ადამიანი, რომელიც ქრისტესკენ მობრუნდება, მიიღებს მისგან სიყვარულს მიუხედავად იმისა, რა ჩაიდინა მან (იხ. ლუკა 15:11-32).

დაკარგული ცხვარი

როცა დავიკარგებით ან მარტოდ ვგრძნობთ თავს და უფლისკენ მოვტრიალდებით, იესო არა მხოლოდ უკან მიგვიღებს, არამედ გაიხარებს, როგორც მწყემსმა თქვა: „თქვენც იხარეთ ჩემთან ერთად, დაკარგული ცხვარი ვიპოვე“ (იხ. ლუკა 15:1-6).

 

მორმონის წიგნი ასევე მოიცავს მხსნელის ძლიერ სწავლებას. მან ასწავლა ადამიანებს ლოცვა, თავმდაბლობა და ოჯახში მოქცევა.

წაიკითხეთ იესოს სწავლებანი მორმონის წიგნში
მოითხოვეთ უფასო მორმონის წიგნი

იესო დაიტანჯა და მოკვდა ჩვენი ცოდვებისთვის

იესოს დედამიწაზე მოვლენის მისია  იყო ჩვენი ცოდვებისგან ხსნა. იგი თანახმა იყო, დატანჯულიყო და მსხვერპლად გაეღო თავი, რათა ჩვენი შეცდომების ფასი გადაეხადა, რათა შეგვძლებოდა მონანიება და მოეტევებინათ ჩვენთვის.

 

გეთსიმანიის ბაღში იესომ იგრძნო ყოველი ცოდვისა და ტკივილის სიმძიმე, რაც კი ცნობილი იყო კაცობრიობისთვის. იგი დაიტანჯა ყოველი ადამიანისთვის, რომელსაც ოდესმე უცხოვრია და ყოველი მისი ფორიდან სისხლი გადმოდიოდა (იხ. ლუკა 22:44). იგი დააკავეს, მას აფურთხებდნენ, გაშოლტეს და ჯვარზე გააკრეს. მაშინაც კი, როცა იესოს თავისივე ხალხი კლავდა, მან მამას შესძახა და სთხოვდა, შეეწყალებინა ისინი (იხ. ლუკა 23:34).

ცხოვრებაში ჩვენ ყველანი დავუშვებთ შეცდომებს და ჩავიდენთ რამეს, რასაც ვინანებთ. მაგრამ სანამ ვცდილობთ სრულყოფას და მამაზეციერისადმი ლოცვას მიტევებისთვის, ჩვენ შეგვიძლია, კვლავ განვიწმინდოთ. ჩვენ ყველანი დიდ ვალში ვართ ჩვენი მხსნელისა და გამომსყიდველის, იესო ქრისტეს, წინაშე.

იესო აღდგა, რათა ჩვენ კვლავ შეგვძლებოდა ცხოვრება

სიკვდილიდან სამი დღის შემდეგ იესო აღდგა სამარხიდან და გამოეცხადა მრავალ თავის მეგობარსა და მიმდევარს. იგი პირველი იყო, ვინც აღდგა ანუ სიკვდილის შემდეგ მისი სული შეუერთდა მის სრულყოფილ ფიზიკურ სხეულს. იმის გამო, რომ იესომ სიკვდილი დაამარცხა, ჩვენც აღვდგებით.

მოდით და ჩვენთან ერთად ეცით თაყვანი ქრისტეს
იპოვეთ ეკლესია თქვენს მახლობლად

ტიპიური შეკითხვები

ადამიანებს უამრავი კითხვა უჩნდებათ „მორმონების“ შესახებ ანუ უფრო პატივისცემით რომ მოვიხსენიოთ, უკანასკნელ დღეთა წმინდანთა იესო ქრისტეს ეკლესიის წევრების შესახებ. ქვემოთ იპოვით პასუხებს ყველაზე ხშირ შეკითხვებზე.