რა არის მორმონის წიგნი?

ამ წიგნის წაკითხვა გვეხმარება, გავიგოთ ჩვენი ცხოვრების მიზანი, გვაძლევს პასუხებს მნიშვნელოვან კითხვებზე და გვაახლოვებს იესო ქრისტესთან.

...
მორმონის წიგნი 60 წამში. მზად ხართ? დავიწყოთ.
1:08

მორმონის წიგნი მოიცავს იესო ქრისტეს მიმდევრების წმინდა ჩანაწერებს. როგორც ბიბლიურ მოსესა და ნოეს ესაუბრებოდა ღმერთი, იგი ასევე ესაუბრებოდა ადამიანებს ამერიკის კონტინენტზე. ამ ადამიანებმა, ე.წ. წინასწარმეტყველებმა,  ჩაიწერეს ღმერთის სიტყვები. მათი ჩანაწერები საბოლოოდ ერთ წიგნში შეკრიბა წინასწარმეტყველმა მორმონმა.

 

ღვთის ხალხს ყოველთვის ცოცხალი წინასწარმეტყველები ასწავლიდნენ. ისევე როგორც დღეს, იმ დროშიც ადამიანები დგებოდნენ ცდუნების წინაშე, ეძიებდნენ სიბრძნეს და როცა იესო ქრისტეს სწავლებას მიყვებოდნენ, ბედნიერი ცხოვრებით ცხოვრობდნენ. მათ მონათხრობებში - შთაგონებულ და შთამაგონებელ სულიერ ჩანაწერებში, ჩვენ საკუთარ თავს ამოვიცნობთ. მორმონის წიგნი არის დასტური იმისა, რომ ღმერთს უყვარს ყველა თავისი შვილი და იგი ჩართულია მათ ცხოვრებაში. იგი არის ბიბლიის ჭეშმარიტების და იესო ქრისტეს ღვთიურობისა და სწავლებების დამოწმება.

მორმონის წიგნი სერიოზულ კითხვებზე გვაძლევს პასუხებს

მორმონის წიგნი გვეხმარება, გავიგოთ აუცილებელი შეკითხვები, რომლებიც ყველას გაგვიჩნდება გარკვეულ დროს:

- არსებობს ცხოვრება სიკვდილის შემდეგრა გველის საბურველის მიღმა? 

- რა არის ცხოვრების მიზანი?

- როგორ შემიძლია, ახლა ვიპოვო ბედნიერება და სიმშვიდე? 

- ღმერთი მიცნობს და ესმის ჩემი ლოცვები?

- როგორ ავარიდო თავი ცოდვას და ვისწავლო გულწრფელი მონანიება? 

თუ გაქვთ ამის სურვილი, მისიონერები შეგხვდებიან და განიხილავენ თქვენთან იმ ნაწყვეტებს, რომლებიც პასუხობენ ამ კითხვებს. ისინი ასევე მოგიტანენ უფასო მორმონის წიგნს.

მორმონის წიგნის დაპირება

ღმერთი გვპირდება, რომ თუ მორმონის წიგნს წავიკითხავთ გახსნილი გულითა და გონებით, იგი სულიწმინდის შთაგონებით ყოველ ჩვენგანს გაგვიმხელს მის ღვთიურობასა და ჭეშმარიტებას. დაახლოებით 80 000 მისიონერი ექვს კონტინენტზე ქადაგებს ამ წიგნს 107 ენაზე და ეს ადამიანები ამჟამად ცდიან ამ დაპირებას.  

მისიონერები უფასოდ არიგებენ მორმონის წიგნს, მაგრამ მაინც, მილიონობით ადამიანი მიიჩნევს მას ყველაზე ფასეულ ღირებულებად. მამაკაცები და ქალები მთელს მსოფლიოში, ყველა ფენის წარმომადგენლები, შეიტყობენ, რომ მორმონის წიგნს შეუძლია, გვაპოვნინოს სიმშვიდე და რწმენა ამ ცხოვრებაში და მარადიული ხსნა მომავალ ცხოვრებაში.

როგორ მივიღეთ მორმონის წიგნი?

1823 წ. ჯოზეფ სმითმა, ანგელოზის მეშვეობით, მიაგნო უძველეს ჩანაწერებს და გადათარგმნა ისინი ღმერთის ძალით. მის წინ არსებული უძველესი წინასწარმეტყველების მსგავსად, ჯოზეფ სმითიც მსახურობდა ღვთის მაცნედ და მოწმობდა იესო ქრისტეს გამოსყიდვის შესახებ  და მხსნელის შესაძლებლობაზე - შეცვალოს ჩვენი ცხოვრება უკეთესობისკენ.

რატომ არის მორმონის წიგნი მნიშვნელოვანი?

მორმონის წიგნში ჩაწერილმა პრინციპებმა - იესო ქრისტეში რწმენა, მონანიება, სიხარული, ხსნა - შეცვალა უძველესი ხალხის ცხოვრება. ჩვენს დროშიც მორმონის წიგნმა მოახდინა გავლენა მილიონობით ადამიანის ცხოვრებაზე მთელს მსოფლიოში, რამეთუ დააახლოვა ისინი ქრისტესთან. 

 

აი რამდენიმე ამბავი:

...
3 ქალბატონის გამოცდილება მორმონის წიგნთან დაკავშირებით

სამი ქალბატონი გვიხსნის, როგორ დაეხმარა მათ მორმონის წიგნი და მისი სწავლებები, განევითარებინათ უფრო ახლო ურთიერთობა ღმერთთან.

...
რიჩარდ აუგერი მორმონის წიგნის შესახებ

რიჩარდს დაუდგინეს სიმსივნე და მან მორმონის წიგნში იპოვა ნუგეში.

...
ფრენკ მანსუეტო მორმონის წიგნის შესახებ

„მე მივხვდი, რომ მორმონის წიგნის სიტყვები უშუალოდ მე მესაუბრებოდნენ“.

...
ტიმ გეითსი მორმონის წიგნის შესახებ

ტიმ გეითსი საუბრობს მორმონის წიგნის როლზე მის ცხოვრებაში. 

 

 

რა სარგებელი შეიძლება მოუტანოს მორმონის წიგნმა ჩემს ცხოვრებას?

წმინდა წერილი იმაზე უფრო მეტია, ვიდრე ძველი სიტყვები და ამბები. ისინი შესაფერისი, დროული გზავნილებია იმ პრობლემებთან დაკავშირებით, რომელთა წინაშეც ვდგებით. როცა მორმინის წიგნს კითხულობ და ხშირად უსვამ საკუთარ თავს კითხვას: „რას ნიშნავს ეს სინამდვილეში“? თქვენ დაინახავთ, რომ დღეს იქ თქვენთვის მრავალი შესაფერისი გზავნილია. ეს წიგნი დაწერილი იყო იმისთვის, რომ შთაეგონებინა მკითხველი, მიეღო გადაწყვეტილებები, რომლებიც საბოლოო ჯამში შეცვლიდნენ მის ცხოვრებას და მიაახლოვებდნენ მას ღმერთთან. ავტორები იმედოვნებდნენ, რომ ამ წიგნის სიტყვები მიიყვანდნენ ადამიანებს იესო ქრისტესთან და შეცვლიდნენ მათ საქციელს; გაფანტავდნენ სევდას, ეჭვს, შიშს; უჩვენებდნენ  ადამიანებს მათი ცხოვრების აზრს და მიმართულებას და დაუდასტურებდნენ, რომ ღმერთი კვლავ „სასწაულების ღმერთია“ (მორმონი 9:10).

 

მორმონის წიგნის მნიშვნელობა შეიძლება შეფასდეს მთელს მსოფლიოში გავრცელებული ასლების რაოდენობით ან იმ ადამიანთა რიცხვის ზრდით, რომლებმაც არჩიეს, იარონ ქრისტეს კვალზე მას შემდეგ, რაც ეს წიგნი წაიკითხეს. თუმცა ყველაზე მნიშვნელოვანი გავლენა მაინც პირადულია: მორმონის წიგნი პასუხობს კითხვებს, გვაძლევს იმედს და სათითაოდ ამყარებს სულიერ ძალას ადამიანებში.

იპოვეთ სიმშვიდე მორმონის წიგნის წაკითხვით

ადამიანებმა, რომელთა ცხოვრებაც შეიცვალა მორმონის წიგნის კითხვით, იპოვეს იგი, როცა სცოდავდნენ ან იყვნენ ერთგულნი, როცა იყვნენ უიმედონი ან ბედნიერნი. იმისთვის, რომ ადამიანმა მორმონის წიგნის მნიშვნელობა აღმოაჩინოს,  ის შეიძლება ან იყოს განათლებული ან არა, იყოს მარტო ან მეგობრებისა და ოჯახის წრეში მყოფი, ფინანსურად ძლიერი ან შეჭირვებული. ერთადერთი, რაც მათ საერთო აქვთ არის ის, რომ ადამიანებმა, რომელნიც ამ წიგნის გავლენის ქვეშ მოექცნენ, აიღეს იგი უბრალო სურვილის გამო - შეიტყონ ჭეშმარიტება და ჩასწვდნენ მას.

ტიპიური შეკითხვები

ადამიანებს უამრავი კითხვა უჩნდებათ „მორმონების“ ან უფრო თავაზიანად რომ ვთქვათ, უკანასკნელ დღეთა წმინდანთა იესო ქრისტეს ეკლესიის წევრების შესახებ. სრული სიის სანახავად დააწკაპუნეთ აქ.

აი ათასწლოვანი ეპიკური ამბის მოკლე შინაარსი:

ფაქტობრივად, მორმონის წიგნი არის ერთი ოჯახის ამბავი. ლეხი არის წინასწარმეტყველი იერუსალიმში. ღმერთი სიზმარში აფრთხილებს ლეხის, აიყვანოს თავისი ოჯახი და დატოვოს იერუსალიმი, რადგან იგი განადგურდება. ისინი ოკეანეს კვეთენ ამერიკის კონტინენტზე მოსახვედრად. ლამანს და ლამუელს, უფროს ვაჟებს, არ სჯერათ, რომ მათმა მამამ, ლეხიმ, შთაგონება მიიღო. ისინი სულ წუწუნებენ. მათი უმცროსი ძმა, ნეფი, სავსეა რწმენით. ნეფი ღმერთმა აირჩია, ეხელმძღვანელა ოჯახისთვის და ყოფილიყო მათი მასწავლებელი.  

ბოლოს ხალხი ორ ჯგუფად იყოფა: ნეფიელები და ლამანიელები. ეს ჯგუფები ხშირად ომობენ და მათ რწმენას სულ ცდიან. მორმონის წიგნის ფურცლები სავსეა რწმენით; იგი გამოიხატება ძლიერი ქადაგებებით, ცხოვრებისეული გაკვეთილებითა და სულიერი გამოცდილებით.  

იესო, აღდგომის შემდეგ, გამოეცხადა ამერიკის კონტინენტზე მცხოვრებთ. იგი ასწავლის მათ ნათლობისა და მიტევების შესახებ. იგი კურნავს ავადმყოფთ და აკურთხებს მათ შვილებს. იგი აფუძნებს თავის ეკლესიას. იერუსალიმში მცხოვრებთაგან განსხვავებით ეს ხალხი უსმენს იესოს. ამის შემდეგ მათ ასობით წლის განმავლობაში მშვიდობა აქვთ. 

დროთა განმავლობაში ეს ხალხი კარგავს რწმენას და ისევ იწყება ომი, რომელსაც თითქმის მთელი მოსახლეობა შეეწირება.

ისევე როგორც ბიბლიას, მორმონის წიგნსაც არაერთი ავტორი ჰყავს. ეს არის დღიურებისა და ჩანაწერების კრებული, რომელიც დაახლოებით 1000 წლის განმავლობაში გადაეცემოდა სხვადასხვა ავტორებს. პირველი ავტორი იყო წინასწარმეტყველი ნეფი, რომელმაც ოჯახთან ერთად დატოვა იერუსალიმი ქრისტეს შობამდე 600 წლით ადრე და გემით გაემგზავრა ამერიკის კონტინენტზე. ნეფიმ გადასცა ჩანაწერი თავის უმცროს ძმას, რომელმაც შემდგომ თავის უმცროს შვილს გადააბარა იგი. ყოველი ავტორი გადასცემდა ჩანაწერს სანდო ადამიანს. მორმონი იყო ის წინასწარმეტყველი, რომელმაც ყველა ჩანაწერი შეკრიბა ერთ წიგნად და ამიტომაც დაერქვა მას მორმონის წიგნი.
 
1823 წ. ჯოზეფ სმითი მიყვანილ იქნა უძველეს ჩანაწერებთან და გადათარგმნა ისინი ღმერთის ძალის მეშვეობით.  

 

მორმონის წიგნი ადასტურებს ბიბლიას და ხშირად ხსნის იესო ქრისტეს სწავლებას. ბიბლიაში, მარკოზისა და ლუკას სახარებაში, ერთი და იგივე ამბავია მოყოლილი, მაგრამ ორი კუთხიდან შეხედვით ყოველთვის მეტის სწავლაა შესაძლებელი.  

მორმონის წიგნი და ბიბლია ერთად მოიცავენ ათასი წლის მანძილზე დაგროვებულ შთაგონებასა და მითითებებს. ორივე წიგნის შესწავლით თქვენ შეგიძლიათ, უკეთ გაიგოთ, ვინ არის ღმერთი და რა სურს მას თქვენთვის.