საკვირაო მსახურება

ეკლესია არის ყოველდღიური ცხოვრების ქაოსისგან თავშესაფარი. საეკლესიო მსახურებებზე დასწრება გვაძლევს იმის დროს, რომ მოვახდინოთ ფოკუსირება ღმერთის თაყვანისცემაზე და მოყვასისადმი სიყვარულზე. ეს არის სულიერი დამუხტვა და შესანიშნავი საშუალება იმისთვის, რომ დავაყენოთ ქრისტე ჩვენი ცხოვრების წინა გეგმილზე და ცენტში.

კეთილი იყოს თქვენი მობრძანება

1:05

ღმერთს შეუძლია, უკეთეს პიროვნებად გაგხადოთ. თქვენ შეგიძლიათ, გააუმჯობესოთ ჩვენი ეკლესია. კეთილი იყოს თქვენი მობრძანება!

საეკლესიო მსახურების დრო განსხვავდება სხვადასხვა მრევლში. თუმცა, ფორმატი ყველგან მსგავსია - ტარდება ერთი საერთო შეკრება ყველასთვის და შემდეგ იწყება ცალკე გაკვეთილები  ასაკისა და ინტერესების გათვალისწინებით.

მოდით და დაესწარით საეკლესიო მსახურებას. მივესალმებით ყველას.
იპოვეთ ახლოს მდებარე ეკლესია

ზიარების შეკრება

საერთო შეკრებას ეწოდება ზიარების შეკრება. ამ შეკრებაზე მღერიან, ლოცულობენ, სხვადასხვა წევრები გამოდიან სიტყვით (ქადაგებით). მაგრამ ამ შეკრების ყველაზე მნიშვნელოვანი ნაწილია ზიარება.

მუსიკა და ჰიმნები

მხსნელისა და მრავალი დალოცვის შესახებ ჰიმნების შესრულება გვეხმარება, უფრო ახლოს მივიდეთ ღმერთთან. ტიპიურ ზიარების შეკრებაზე მთელი მრევლი ერთად მღერის სამ ან ოთხ ჰიმნს. შესაძლოა, იყოს დამატებითი მუსიკალური ნომრები, რომლებსაც ასრულებს გუნდი, მცირე ჯგუფი ან ერთი პიროვნება.  ზოგიერთი ჰიმნი შესაძლოა ნაცნობი იყოს თქვენთვის, მაგალითად „უფრო ახლოს შემთან, ჩემო ღმერთო“ და „რა დიდი ხარ“ მაგრამ  ახლებსაც შეისწავლით. არაუშავს, თუ  თქვენ არასწორად მღერით! ნებისმიერ შემთხვევაში ხმამაღლა იმღერეთ, როცა ჩვენთან ერთად თაყვანს სცემთ ღმერთს.

ერთმანეთისადმი დამოწმება

ყოველი თვის პირველ კვირას არ ტარდება ტიპიური ქადაგებები. ამის ნაცვლად, ნებისმიერ წევრს შეუძლია, მივიდეს კათედრასთან და გამოხატოს თავისი გრძნობები სახარების შესახებ. როცა ვუსმენთ სხვების გამოცდილებას და ვგრძნობთ, როგორ გვივსებს გულს ღმერთის სული, ჩვენი მრწამსი და შეხედულებები განმტკიცდება.

საკვირაო კლასები

ზიარების შეკრებამდე ან მის შემდეგ ტარდება კლასები სხვადასხვა ასაკის ბავშვებისა და ზრდასრულებისთვის. თუ გსურთ, დაესწროთ ამ დამატებით კლასებს, სთხოვეთ ვინმეს ეკლესიაში და ისინი სიხარულით გაპოვნინებენ შესაბამის ოთახს.