ეკუთვნოდე თემს

ჩვენ ვართ არასრულყოფილი ადამიანები, რომლებიც ცდილობენ, მიჰყვნენ იესო ქრისტეს სრულყოფილ მაგალითს. ჩვენ გვიყვარს ერთმანეთი, ვეხმარებით ერთმანეთს და ვცდილობთ, საუკეთესოდ ვიცხოვროთ იესოს სწავლების მიხედვით.შემოგვიერთდით და იგრძენით, რა არის ერთობა და წევრობა.

მოდით და თაყვანი ეცით ღმერთს ჩვენთან ერთად

ტიპიური შეკითხვები

ადამიანებს უამრავი შეკითხვა უჩნდებათ „მორმონებზე“ ანუ უფრო პატივისცემით რომ მოვიხსენიოთ, უკანსკნელ დღეთა წმინდანთა იესო ქრისტეს ეკლესიის წევრებზე. სრული სიის დასანახად დააწკაპუნეთ აქ.

 

უკანასკნელ დღეთა წმინდანთა იესო ქრისტეს ეკლესიის წევრები ზუსტად ისეთივე ადამიანები არიან, როგორც სხვები. ისინიც ხან ტირიან ხან იცინიან ან სადღაც შუაში არიან ხოლმე. ფაქტობრივად, გაგიკვირდებათ კიდევაც, რაოდენ ნორმალურები ვართ. უკანასკნელ დღეთა წმინდანებს აქვთ ბედნიერი, მშვიდი ადამიანების რეპუტაცია. მაგრამ ეს იმას არ ნიშნავს, რომ მათ არ აქვთ გამოწვევები. ყოველი ადამიანი მძიმე ბრძოლაში მონაწილეობს, მაგრამ როცა საუკეთესოდ ცდილობ, იცხოვრო იესო ქრისტეს სახარების მიხედვით, დამატებით ძალასა და სიმშვიდეს ჰპოვებ, რაც გეხმარება სირთულეებთან გამკლავებაში. 

რაც შეეხება ცხოვრების სტილს: უკანასკნელ დღეთა წმინდანები ცდილობენ, იესო დააყენონ ყველაფერზე წინ და ყოველივეს ცენტრში. მათი მრწამსი მხსნელისა და მის სწავლებებთან დაკავშირებით ახდენს გავლენას მათ ყოველდღიურ გადაწყვეტილებებზე იმის თაობაზე, როგორ ჩაიცვან, ისაუბრონ და ა.შ. მაგალითად, ისინი ცდილობენ, არ იმუშაონ კვირას, რათა შეძლონ ეკლესიაში სიარული, ემსახურონ სხვებს და ოჯახთან გაატარონ დრო. ეკლესიის ერთგული წევრები  არ ეწევიან სიგარეტს, არ სვამენ ალკოჰოლურ სასმელებს და არ თამაშობენ აზარტულ თამაშებს.

 

უფრო და უფრო მეტი ადამიანი უარყოფს ორგანიზებული რელიგიის იდეას და უპირატესობას ანიჭებს იმას, რომ უბრალოდ იყოს სულიერი და ეცადოს, კარგი ცხოვრებით იცხოვროს. მაგრამ ადამიანებს ორივე ასპექტი სჭირდებათ. უკანასკნელ დღეთა წმინდანთა იესო ქრისტეს ეკლესია უზრუნველყოფს ღვთის ყოველი მცნების შესასრულებლად აუცილებელ სტრუქტურას და სამღვდელოების უფლებამოსილებას, ნათლობისა და ზიარების მიღების ჩათვლით. საჭიროა კვირაობით იაროთ ეკლესიაში და ამავდროულად ეცადოთ, იყოთ სულიერებაში და ემსახუროთ სხვებს კვირის განმავლობაში.

 

უკანასკნელ დღეთა წმინდანთა იესო ქრისტეს ეკლესიას აქვს მრავალი კულტურული ტრადიცია და წესი, რაც უკავშირდება ოჯახს. მაგალითად, ეკლესიის წევრები კვირაში ერთ დღეს გამოყოფენ ოჯახური საღამოსთვის. კვირის განმავლობაში ასევე ტარდება სხვა ღონისძიებები, როგორიცაა პატარა წვეულებები და საზიარო სუფრები ან ახალგაზრდული ჯგუფები მოზარდებისთვის. მრავალი ჩვენი ტრადიცია სტანდარტულია, მაგალითად დღესასწაულების აღნიშვნა ოჯახთან ერთად, სხვები კი უფრო უნიკალურია - როგორიცაა საეკლესიო მსახურებისას ახალშობილისთვის წმინდა კურთხევის ბოძება. ჩვენ ოჯახთან ერთად ვლოცულობთ, ვკითხულობთ წმინდა წერილს და ყოველი თვის პირველ კვირას 24 საათის განმავლობაში ვმარხულობთ.

 

ყოველ კვირას ჩვენ ერთად ვიკრიბებით, რათა ვიმღეროთ ჰიმნები, მოვისმინოთ ქადაგებები და ვასწავლოთ ერთმანეთს მხსნელის შესახებ. ეკლესია არის სულიერი მუხტის მომცემი და შესანიშნავი ხერხი იმისთვის, რომ ვიყოლიოთ იესო ჩვენი ცხოვრების წინა გეგმილზე და მის ცენტრში.  ვიწვევთ ყველას, დაესწრონ ჩვენს ქრისტიანულ მსახურებებს და თაყვანი სცენ ღმერთს ჩვენთან ერთად. 

საეკლესიო მსახურების დრო სხვადასხვა მრევლში განსხვავდება. თუმცა, თქვენ ყოველთვის შეგიძლიათ, იქონიოთ იმის იმედი, რომ მოხვდებით ერთ ძირითად შეკრებაზე ყველასთვის, რომლის შემდეგაც იწყება ცალკეული გაკვეთილები ასაკისა და ზოგადი ინტერესების გათვალისწინებით.

 

უკანასკნელ დღეთა წმინდანთა იესო ქრისტეს ეკლესია არის უსაფრთხო ადგილი, სადაც ადამიანები მოდიან იმის იმედით, რომ იესო ქრისტეს მეშვეობით მათი ცხოვრება გაუმჯობესდება. ეკლესია უზრუნველყოფს წმინდა იარაღებს, ქმედებებსა და სწავლებებს, რომლებიც გეხმარებიან ღმერთთან ურთიერთობების განვითარებაში და აღზრდაში. და რაც ყველაზე მთავარია, იყო ეკლესიის წევრი ნიშნავს, ეკუთვნოდე ისეთ თემს, სადაც ადამიანები ზრუნავენ ერთმანეთზე. 

 

მორმონები ზეიმობენ შობასა და აღდგომას?

დიახ, როგორც ოჯახი და როგორც ეკლესია. ბოლოსდაბოლოს, თუ ქრისტეს შობა და აღდგომა არ ღირს იმად, რომ აღინიშნოს, მაშინ რა უნდა ვიზეიმოთ? ზოგჯერ ადამიანებს ვეშლებით სხვა ქრისტიანულ რელიგიებში, რომლებიც არ აღნიშნავენ დღესასწაულებს მაგრამ ჩვენ მათ აღვნიშნავთ. 

დიახ, როგორც ოჯახი და როგორც ეკლესია. ბოლოსდაბოლოს, თუ ქრისტეს შობა და აღდგომა არ ღირს იმად, რომ აღინიშნოს, მაშინ რა უნდა ვიზეიმოთ? ზოგჯერ ადამიანებს ვეშლებით სხვა ქრისტიანულ რელიგიებში, რომლებიც არ აღნიშნავენ დღესასწაულებს მაგრამ ჩვენ მათ აღვნიშნავთ. 

 

პირველი საფეხური, როგორც წესი, არის მისიონერებთან შეხვედრა. ისინი გასწავლიან ძირითად მრწამსს და უკანასკნელ დღეთა წმინდანთა იესო ქრისტეს ეკლესიის პრაქტიკას. მათ ასევე შეუძლიათ, გიპასუხონ ნებისმიერ კითხვაზე ეკლესიის შესახებ და გეტყვიან, რა მოლოდინები აქვთ თქვენგან, როგორც წევრისგან. თქვენ ასევე უნდა დაიწყოთ საეკლესიო მსახურებებზე დასწრება. თქვენთვის სასიხარულო იქნება, მიეკუთვნებოდეთ ისეთი ადამიანების თემს, რომელიც ზრუნავს ერთმანეთზე და ცდილობს, მიჰყვეს იესო ქრისტეს მაგალითს.

საბოლოო ჯამში, როცა მზად იქნებით, შეუერთდეთ ეკლესიას, შეგიძლიათ მოინათლოთ და გახდეთ ოფიციალური წევრი. თქვენ შეგიძლიათ, მოინათლოთ მისიონერის ან სხვა წევრის მიერ, რომელიც ეკლესიაში გაიცანით.